Մահացել է սենատոր Ջոն Մաքքեյնը

ԱՄՆ-ի հանրապետական սենատոր Ջոն Մաքքեյնը (Արիզոնա նահանգ), ում մոտ ուղեղի քաղցկեղ էր ախտորոշվել, մահացել է 81 տարեկանում, փոխանցում է ՏԱՍՍ-ը։ «Սենատոր Ջոն Սիդնի Մաքքեյն III մահացել է 2018 թվականի օգոստոսի 25-ին, ժամը 16:28-ին»,-ասված է օրենսդիրի գրասենյակի տարածած հայտարարությունում։ Նշված է նաեւ, որ մահվան պահին նրա կողքին ընտանիքի անդամներն են եղել։ Օգոստոսի 24-ին սենատորի ընտանիքը հայտարարել էր, որ Մաքքեյնը դադարեցրել է բուժումը կապված հիվանդության անշրջելի զարգացման հետ։