«Եթե ուզում ես լավ ապրել, պետք է ինքդ քեզ շատ սիրես». Ջիգարխանյան
Комсомольская правда-ն հայտնում է ,որ ԽՍՀՄ ժողովրդական արտիստ Արմեն Ջիգարխանյանի ղեկավարությամբ գործող Մոսկվայի դրամատիկական թատրոնում սկսվել է 23-րդ թատերաշրջանը: Ջիգարխանյանը լավ տեսք ունի, առողջական խնդիրներ չունի: Մեծ ոգևորությամբ հետևում է փորձերին ու սպասում է «Մոլյեր» ներկայացման պրեմիերային: Անցած տարի երիտասարդ կնոջ՝ Վիտալինա Ցիմբալյուկ-Ռոմանովսկայայից ամուսնալուծվելու հետ կապված տհաճ իրադարձությունները արտիստի համար անցյալում են: Նա հարցազրույց է տվել Комсомольская правда-ին: Ասել է, որ շարունակում է հաճույք ստանալ կյանքից:
«Շարունակում եմ զարմանալ ու ուրախանալ: Այս տարվա ընթացքում ես սովորեցի լավ ապրել: Կպատմեմ գաղտնիքը, թե ինչպես դա պետք է անել: Եթե ուզում ես լավ ապրել, պետք է ինքդ քեզ շատ սիրես: Սա իմ բանաձևն է: Իսկ առաջ մտածում էի, որ առաջինը պետք է մտածել հայրենիքի, հետո թատրոնի և վերջում նոր քո մասին»,- ասել է նա:
Հետևեք մեզ Viber-ում
