Վերադառնում է,որ բիզնես ծավալի

Հրապարակ օրաթերթը գրում է. Հայաստանում տեղի ունեցած թավշյա հեղափոխությունը շատերին դրդել է վերադառնալ հայրենիք եւ վերաբացել իրենց բողոքների գործերը։ Նրանցից մեկը Ծառուկյանի սանիկ, նրա հետ կոնֆլիկտ ունեցող Արթուր Հարությունյանն է՝ Պալաչը: Նա դեռ գտնվում է արտերկրում, կվերադառնա սեպտեմբերի սկզբին, եւ չի բացառվում, որ նորից բիզնես գործունեություն ծավալի: Պալաչը երկու տարի առաջ արտագաղթել էր Հայաստանից՝ Աբովյանի քաղաքապետի ընտրություններում պարտվելուց եւ բիզնեսը կորցնելուց հետո: Այդ ժամանակ նա մի քանի անգամ ընդվզել էր, մամուլով հայտարարություններ արել, սակայն չէր պայքարել մինչեւ վերջ, այլ հեռացել էր Հայաստանից: Այժմ Պալաչը որոշել է դիմել իրավապահներին։ Եվ երեկ Քննչական կոմիտեն հայտարարություն տարածեց, ըստ որի՝ ««Գագիկ Ծառուկյան» հիմնադրամի կողմից «Բարեգործության մասին» օրենքի խախտմամբ բարեգործության անվան տակ Արթուր Հարությունյանին պատկանող տրանսպորտային ընկերությունների դեմ շարունակական հակամրցակցային գործունեություն է իրականացվել, ինչը հանգեցրել է այդ ընկերությունների սնանկությանը»: Քրեական գործ է հարուցվել 195 հոդվածով՝ Հակամրցակցային գործունեությունը: Նշենք, որ Արթուր Հարությունյանին պատկանող «Քինգ Դելյուքս» ընկերությունը սնանկ ճանաչվելուց հետո լուրեր կային, թե Ծառուկյանը ցանկանում է այն գնել, սակայն վերջին պահին փոշմանել է: Այնուհետեւ ԲՀԿ խոսնակը հաստատել էր, որ ընկերությունը գնելու մտադրություն ունի Ծառուկյանի թիկնազորի պետը՝ Էդուարդ Բաբայանը