Գեներալ Մանվել Գրիգորյանին Արցախից հրավիրատոմս են ուղարկել

Hayeli.am-ին հայտնի է դարձել, որ կալանավորված գեներալ, ԱԺ պատգամավոր Մանվել Գրիգորյանին օրերս Արցախի իշխանություննները հրավիրատոմս են ուղարկել իբրեւ Արցախի հերոսի: Ինչպես հայտնի է ,սեպտեմբերի 2-ին Արցախում նշվում է անկախության տոնը եւ ավանդույթի համաձայն այս տարի էլ չեն շրջանցել: Հրավիրատոմսն ուղարկել են գեներալի օգնականին: Հիշեցնենք, որ Մանվել Գրիգորյանը մեղադրվում է ապօրինի զենք-զինամթերք պահելու եւ առանձնապես խոշոր չափի յուրացում կատարելու մեջ: Հիշեցնենք, որ ԱԱԾ-ն տեսանյութ էր հրապարակել Մանվել Գրիգորյանի առանձնատանն իրականացված խուզարկությունից, որտեղ հայտնաբերվել էր, որ ապրիլյան քառօրյայի մասնակիցներին ուղարկված սնունդը գեներալ Մանվել Գրիգորյանն օգտագործել է իր կենդանաբանական այգու կենդանիներին կերակրելու նպատակով։