«Գնում ենք Եղվարդ, փաստաթղթում նշված է ցորենի արտ, տեսնում ենք «հայթեք» լավագույն այգի»
Այսօր կառավարության նիստից հետո լրագրողների հետ ճեպազրույցում գյուղատնտեսության նախարար Արթուր Խաչատրյանը նշեց, որ Սեւանա լճից հավելյալ ջրառը ոռոգման խնդրի լուծման միակ տարբերակն է: Նախարարն ասաց, որ տարբերակներ են մշակվում, որպեսզի մեխանիզմներ մշակվեն մեր գյուղատնտեսությանը վերադարձնելու համար Հայաստանի ջրերը, որոնք գնում լցվում են Կասպից ծովը: Ինչպես տեղեկացրեց՝ Արաքս գետը գնում է Թուրքիա, Նախիջեւան, և այս իսկ նպատակով ցանկանում են մեխանիզմներ մշակել, որպեսզի ամբողջ ճնշումը չմնա Սևանի վրա: Ստվերային գյուղատնտեսության մասին խոսելով՝ հայտնեց, որ եղել են բանջաբոստանային տարածքներ, հետո վերածել են այգիների ու համապատասխան փաստաթղթային փոփոխություններ չեն արել. «Այսինքն հողի հարկի վրա դա չի ազդել: Դրանք կարող էին լինել եւ շարքային գյուղացիները, եւ ավելի մեծ հողատարածքներ ունեցող սուբյեկտները: Օրինակ՝ գնում ենք Եղվարդ, փաստաթղթում նշված է` ցորենի արտ, գնում ենք տեսնում ենք այդտեղ «հայթեք» լավագույն այգի է»:
Հետևեք մեզ Viber-ում
