Ավտովթար-«ռազբիրյատ»՝ Երևանի շամպայն գինիների գործարանի մոտ
Այսօր՝ օգոստոսի 23-ին, ավտովթար է տեղի ունեցել Երևանում: Ժամը 14:30-ի սահմաննեում Թբիլիսյան խճուղում՝ շամպայն գինիների գործարանի մոտ, բախվել է 3 տրանսպորտային միջոց, որից հետո վարորդները ապահովագրական ընկերություն ահազանգելու փոխարեն ճանապարհի մեջտեղում վթարից հետո ստեղծել էին լարված իրավիճակ: Նրանք միմյանց էին մեղադրում վթարի մեջ ու մեկմեկու տալիս վիրավորական արտահայտություններ: Ինչպես հայտնում է ֆոտոլրագրող Գագիկ Շամշյանը, «տաք գլուխները», տեսնելով, որ իրենց «Մի կաթիլ մեղրի պատմությունը» հիշեցնող վիճաբանությունը տեսանկարահանվում է, կարծես թե, «խախանդվեցին»: Ֆոտոլրագրողի տեղեկություններով՝ բարեբախտաբար, զոհեր և վիրավորեր չկան, իսկ դեպքի վայրից էլ քաղաքացիներն ահազանգել են ոստիկանության 1-02 օպերատիվ կառավարման կենտրոն, որտեղից ժամանած ոստիկանները կարողացել են կրքերը հանդարտեցնել: Վթարի փաստով ճանապարհային ոստիկանությունում նյութեր են նախապատրաստվում, որտեղ պարզվում է վարորդների ինքնությունը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Հետևեք մեզ Viber-ում
