Փաշինյանը սխալ ինֆորմացիա է տարածե՞լ
Միգրացիայի պատճառը հիմնականում սոցիալ-տնտեսական խնդիրներն են: Եվ հիմնականում խնդիրը ոչ թե աշխատանքի բացակայությունն է, այլ աշխատավարձի ցածր մակարդակը: Նման կարծիք է հայտնել դեմոգրաֆ Ռուբեն Եգանյանը: Իսկ ահա մնացած պատճառներն այսպես կոչված «հոգեկան-բարոյական» հանգամանքներն են: Ինչպես պարզաբանել է՝ միգրացիոն հոսքերը Հայաստանից բաժանվում են երկու կատեգորիայի: Առաջին դեպքում, մարդիկ հեռանում են եւ չեն վերադառնում, իսկ երկրորդը ժամանակը կամ աշխատանքային միգրացիան է, որը կազմում է տարեկան միգրացիայի ընդհանուր թվի 40-ից 45 տոկոսը: Այնուհետև նա ներկայիս իշխանություններին մեղադրել է ոչ ճշգրիտ ինֆորմացիա տարածելու մեջ: Փորձագետի կարծիքով՝ Հայաստանի ներկայիս քաղաքական ղեկավարության կողմից օգտագործվող տվյալները ոչ մի ընդհանուր բան չունեն միգրացիայի տվյալների հետ, քանի որ խոսքը կամ միգրացիոն հոսքերի ժամանակավոր կրճատման մասին է կամ կապված է զբոսաշրջային հոսքի աճի հետ:
Հետևեք մեզ Viber-ում
