«Հայոց Արծիվներ. Միասնական Հայաստան» կուսակցությունը գրանցվեց պետական ռեգիստրի գործակալությունում

«Հայոց Արծիվներ.  Միանական Հայաստան» կուսակցության նախագահ  Խաչիկ Ասրյանը հայտարարել է կուսակցության գրանցման մասին: Հայտարարությունում նշված է. Հայրենատե՛ր Հայեր Ուղիղ 28 տարի առաջ այս օրը՝ 1990 թվականի  օգոստոսի 23-ին,  Հայաստանը հռչակվեց որպես անկախ պետություն։ Շնորհավորում եմ բոլորիդ՝ Հայաստանի անկախության հռչակման առթիվ։ Ինչպես 1990 թվականի օգոստոսի 23-ը հայ ժողովրդի համար դարձավ Հայաստանի անկախության հռչակման օր, այնպես էլ 2018 թվականի օգոստոսի 23-ը «Հայոց Արծիվների» համար դարձավ «Հայոց Արծիվներ. Միասնական Հայաստան» կուսակցությունը ՀՀ ԱՆ աշխատակազմի իրավաբանական անձանց պետական ռեգիստրի գործակալությունում գրանցելու և պաշտոնական գործունեություն իրականացնելու սկիզբ։ Եվս մեկ անգամ շնորհավորում եմ բոլորիդ, պատվախնդի՛ր  Հայեր։