Ապրիլյան պարտերազմի մասնակից Արման Ավետիսյանը, ով կորցրել է ոտնաթաթը Ապրիլյան քառօրյա պատերազմի ընթացքում, հունիսից զրկվել է զինհաշմանդամության համար տրվող 75 հազար դրամ թոշակից:
Այս մասին Արման Ավետիսյանը տեղեկացրեց Tert.am-ի հետ զրույցում: Արմանը մանրամասնեց, որ առողջական խնդիրներով պայմանավորված՝ մեկ տարի է՝ գտնվում է ԱՄՆ-ում, այնտեղ կարողացել է մեկնել բարեգործական ծրագրով, բուժման որոշակի գործընթացներ անցնելուց հետո վերադառնալու նպատակով, ինչը ենթադրում է, որ օրենքով ինքը պետք է շարունակեր թոշակ ստանալ:
«Հայ բժիշկ կար, որը ցանկանում էր ինձ օգնել: Ոտքս պետք է վիրահատեին ոսկորի գերաճի պատճառով, հետո պրոթեզի հետ խնդիր կար: Վերադարձս Հայաստան հետաձգվեց: Նախատեսված էր, որ հունիսի մեկին պետք է գայի, բուժզննություն անցնեի, չկարողացա գալ:
Գիտեի, որ օրենքով կարող եմ ՀՀ-ում չլինել, բայց բուժզննություն անցնել, դեռ ապրիլին դիմել էի մեր տարածքային սոցապվարչությանը, տեղեկացրել էի, որ փաստաթղթերի ներկայացումը մի փոքր կուշանա՝ ելնելով մի շարք խնդիրներից: Ինձ տեղում ասացին, որ խնդիր չկա՝ մինչև օգոստոսը ներառյալ կարող ես թղթերը ներկայացնել: Ներկայացրի, իսկ հիմա ասում են՝ չէ, թղթերը մինչև հունիսի մեկը պետք է ներկայացրած լինեիր: Ինձ ասում են՝ էլ չես կարող թոշակ ստանալ, հաշմանդամության կարգ էլ չունես: Եթե ինձ շուտ ասեին, որ հնարավոր չէ ուշացնել, ես թղթերը կփորձեի շուտ ներկայացնել: Հիմա պնդում են, որ սխալն իմն է. ուշացրել եմ փաստաթղթերը: Հայրս էր լիազորագրով փաստաթղթերը ներկայացրել»:
Արման Ավետիսյանը նշեց, որ Հայաստան կարող է վերադառնալ վիրահատությունից և նոր պրոթեզ ստանալուց հետո:
Արման Ավետիսյանը նշեց, որ Աշխատանքի և սոցիալական հարցերի նախարարությունից խնդրում է, որ ընդունեն իր փաստաթղթերը և շարունակեն վճարել պետության կողմից սահմանված թոշակը:
Արմանը նշեց, որ երբեք լավատեսությունը չի կորցրել, պետությունից չի դժգոհել, փորձել է հարմարվել, բայց փաստորեն հիմա այսպիսի իրավիճակում է հայտնվել:
Աշխատանքի և սոցիալական հարցերի նախարարությունից Tert.am-ին խոստացան հարցը ուսումնասիրելուց հետո արձագանքել:
Հիշեցնենք, որ Արմանը վիրավորվել է 2016թ-ի ապրիլի 2-ին Ջաբրայիլում դասակի վիրավոր հրամանատարին օգնության շտապելիս:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
