Զբոսաշրջության կոմիտեին կից ստեղծվում է Հասարակական խորհուրդ. նիստը կլինի այս ամսվա վերջին

ՀՀ տնտեսական զարգացման եւ ներդրումների նախարարության Զբոսաշրջության կոմիտեին կից ստեղծվում է Հասարակական խորհուրդ։ Նախարարությունից հայտնում են, որ Հասարակական խորհուրդը լինելու է հարթակ, որտեղ քննարկելու ենք Հայաստանի զբոսաշրջության տեսլականը, զբոսաշրջության ոլորտում առկա խնդիրները եւ դրանց լուծման ճանապարհները՝ Զբոսաշրջության միջգերատեսչական խորհրդին ներկայացնելու համար։ Հասարակական խորհրդի պարբերական հանդիպումները կազմակերպվելու են հստակ ժամանակացույցով։ «Առաջին նիստը նախատեսվում է հրավիրել օգոստոսի վերջին շաբաթվա ընթացքում, որտեղ ձեզ կներկայացնենք Հասարակական խորհրդի գործունեության մեր տեսլականը։ Առաջին նիստին մասնակցելու համար հարկավոր է գրանցվել այստեղ՝ https://goo.gl/TpvNz2 ։ Գրանցումների վերջնաժամկետն է 2018թ.-ի օգոստոսի 26-ը։ Գրանցված անձինք եւ կազմակերպություններն իրենց էլ. հասցեին կստանան տեղեկություն նիստի ամսաթվի, ժամի եւ վայրի մասին։ Ակնկալում ենք արդյունավետ համագործակցություն։ Միասին ենք զարգացնելու ոլորտը»,-ասված է հաղորդագրության մեջ: