Երկրի անվտանգություն հարցի լուծումներ է առաջարկում Փաշինյանը
Ֆեյսբուքյան ուղիղ եթերում Հայաստանի տնտեսական առաջընթացի մասին խոսելով՝ վարչապետն ասաց, որ Հայաստանի տնտեսությունը պետք է միտված լինի արտահանման. «Հայաստանի շուկան, ցավոք, շատ փոքր է և միայն մեր շուկայի վրա հիմնված տնտեսությունով չենք կարող բարձր վարձատրվող աշխատատեղեր ստեղծել: Ուրախ եմ, որ ես հանրահավաքին մի պիջակ էի հագել, որը մի քանի տեղերում նշել էին, թե «Gucci» կամ «Zilli» է, բայց այն արտադրված է Հայաստանում՝ մասնավոր դերձակի մոտ պատվիրված»: Այնուհետև՝ խոսելով բարձր տեխնոլոգիաների արդյունաբերությունից, նշեց. «Տնտեսության լոկոմոտիվի դերում լինելու է բարձր տեխնոլոգիաների արդյունաբերությունը: Կա հետաքրքրություն ներդրողների կողմից դեպի այս ոլորտը: Մենք պետք է զարգացնենք նաև արևային էներգետիկան: Առաջիկայում լինելու են ներդրումներ էլեկտրատեխնիկայի արտադրության ոլորտում: Հայաստանը պետք է լինի բարձր տեխնոլոգիական երկիր»: Ըստ նրա՝ այս ոլորտների զարգացումը կնպաստի նաև ռազմարդյունաբերության զարգացմանը, ինչից էլ կախված է երկրի անվտանգությունը:
Հետևեք մեզ Viber-ում
