Փաշինյանը՝ Ռոբերտ Քոչարյանի վերադարձի մասին. ինչ քայլերի կդիմի

Հայաստանի Հանրապետության վարչապետ Նիկոլ Փաշինյանը խորհուրդ է տալիս ՀՀ երկրորդ նախագահ Ռոբերտ Քոչարյանի քաղաքականություն վերադառնալու վերաբերյալ հարցնել ժողովրդի կարծիքը: Հայ-չինական դպրոցի բացման հանդիսավոր միջոցառումից հետո լրագրողների հետ զրույցում Նիկոլ Փաշինյանն անդրադարձավ հարցին՝ մտահոգո՞ւմ է իրեն ՀՀ երկրորդ նախագահ Ռոբերտ Քոչարյանի վերադարձը քաղաքականություն:«Դուք խոսում եք սցենարների մասին, որոնք ուղղակի չեն կարող լինել: Դուք ինչո՞ւ եք ինձ հարցնում, դուրս եկեք փողոց եւ մարդկանց հարցրեք, թե ինչպես են վերաբերվում: Այդ կապակցությամբ որոշում կայացնողը ժողովուրդն է եւ կարծում եմ՝ այդ հարցերը պետք է ուղղել ժողովրդին, թեեւ չեմ կարծում, որ այն, ինչ կլսեք, արժանի կլինի եթեր հեռարձակելու»: Ըստ նրա՝ հակահեղափոխության ռիսկ ընդհանրապես չկա. «Մենք ասում ենք, որ պետք չի ժողովրդին դնել իրավիճակի մեջ, որ մենք նորից ստիպված լինենք հեղափոխություն անել, կամ հեղափոխության հաջորդ փուլն անել»: Անդրադառնալով հարցին, թե այդ իրավիճակում ի՞նչ քայլեր է պետք ձեռնարկել, վարչապետը պատասխանեց. «Պարզապես պետք է մարդկանց հետո խոսել, նրանց ներկայացնել իրավիճակը, օգնել, որպեսզի նրանք իրավիճակն ավելի ռեալ գնահատեն, ոչ մի հավելյալ քայլեր ձեռնարկելու կարիք չկա»: Նա վստահեցրեց, որ պատգամավորների հետ հանդիպումներ  և քննարկումներ կունենա, որ որպեսզի որևէ մեկի մոտ որևէ հավելյալ մտավախություն չլինի: Հարցին, թե մտավախություն չունի՞, որ հնարավոր է այլեւս չվերադառնա իշխանության, եթե հրաժարական տա վարչապետի պաշտոնից, Փաշինյանը պատասխանեց. «Ես իշխանության չեմ, իշխանության է ժողովուրդը, եւ ես չեմ ուզում, որ ժողովուրդը ոմանց ապացուցի, թե ով է երկրում իշխանությունը»: