«Ամեն հաչացող շան դիմաց ոսկոր չենք գցելու»․ Աբդուլլահ Գյուլի թիկնազորի պետը պատասխանել է Էրդողանի կուսակցությանը
Թուրքիայի նախկին նախագահ Աբդուլլահ Գյուլի թիկնազորի պետ Օսման Չանգալը պատասխանել է երկրի իշխող «Արդարություն և զարգացում» կուսակցության փոխնախագահի կողմից Գյուլի հասցեին հնչած վիրավորական որակումներին, գրում է gazeteduvar.com.tr կայքը։ «Անդեմ ու պատվազուրկ ամեն հաչացող շան դիմաց ոսկոր չենք գցելու»,- գրել է Չանգալն իր թվիթերյան էջում։ Էրդողանի կուսակցության համանախագահը նախօրեին, խոսելով Գյուլի մասին, նշել էր․ «Նա մեկն է, ով դավաճանեց մեր այս շարժմանը։ Մինչև վերջին պահը ձայն չէինք հանում՝ մտածելով, որ մեր մեծն է, կուսակցության համահիմնադիրն է։ Սակայն Ռեջեփ Թայիփ Էրդողանի դեմ թեկնածություն դնել մտքով անցկացրած մեկը դավաճան է»։
Հետևեք մեզ Viber-ում
