Թույլ տվեք խախտում չանել. Զեյնալյանը չանդրադարձավ Ռոբերտ Քոչարյանի գործին
«Ես արդարադատության նախարար եմ ու Ռոբերտ Քոչարյանի գործի վերաբերյալ հարցին իրավունք չունեմ պատասխանելու, դա կլինի միջամտություն: Ես ունեմ իմ տեսակետը, բայց չեմ կարող ներկայացնել այն, քանի որ ունեմ ազդեցության լծակներ, ու այդպիսի հարցի պատասխանելը կլինի խախտում: Թույլ տվեք այդ խախտումը թույլ չտալ»,- լրագրողների հետ զրույցում ասաց արդարադատության նախարար Արտակ Զեյնալյանը: Կարգապահական վարույթ հարուցվելո՞ւ է Վերաքննիչ դատարանի դատավոր Ալեքսանդր Ազարյանի նկատմամբ, Արտակ Զեյնալյանը ասաց , որ նախարարությունն այդ հարցին իրավասու չէ միջամտել: «Չեմ կարող դատավոր Ազարյանի նկատմամբ հարուցել կարգապահական վարույթ: Բողոքը ներկայացված է Վճռաբեկ դատարան: Գործադիր մարմինը՝ նախարարությունը, չի կարող միջամտել այստեղ: Գործադիր իշխանությունը չպետք է վերածվի 4-րդ ատյանի դատարանի»,- շեշտեց նա:
Հետևեք մեզ Viber-ում
