«Նրան պետք էին ստրուկներ՝ միշտ պատրաստ կատարելու իր հրամանները»․ Մոսկվայում սպանված Միխայիլ Խաչատուրյանի կրտսեր դուստր

Մոսկվայում 57-ամյա Միխայիլ Խաչատուրյանին սպանած երեք դուստրերը՝ Մարիան, Քրիստինան ու Անգելինան, պատմել են, որ քննչական մեկուսարանում իրենց առավել լավ են զգում, քան տանը, միայն թե շատ են անհանգստանում, որ չեն կարող տեսնվել միմյանց հետ։ Ինչպես փոխանցում է Cosmo.ru-ն, աղջիկներից կրտսերը՝ Մարիան, խոստովանել է, որ հայրն անընդհատ ծեծել է իրենց ու հարվածել հենց գլխին։ 14 տարեկանից աղջկան անհանգստացնում են պարբերական գլխացավերը, դա հաստատել են նաև բժիշկները։ Նրա խոսքով՝ հայրը հարվածում էր նրանց այն ամենով, ինչ ընկնում էր ձեռքի տակ։