Արտակարգ դեպք Վանաձորում. վիճաբանություն է տեղի ունեցել «Դեղձանիկ» գիշերային ակումբի մոտ. տուժածներից մեկը տնօրենն է

SHAMSHYAN.com-ի տեղեկություններով՝ Վանաձոր քաղաքի ոստիկանության Տարոնի բաժնի հետաքննչական բաժանմունքում նյութեր են նախապատրաստվում երեկ՝ օգոստոսի 19-ին, Վանաձորում տեղի ունեցած վիճաբանություն-ծեծկռտուքի փաստով: Ինչպես հայտնում է ֆոտոլրագրող Գագիկ Շամշյանը, ժամը 03:30-ի սահմաններում Տիգրան Մեծի պողոտայի 34 հասցեում գտնվող «Դեղձանիկ» գիշերային ակումբը փակելու կապակցությամբ վիճաբանություն է տեղի ունեցել Վանաձոր քաղաքի բնակչուհի, 78-ամյա Հռիփսիմե Կարապետյանի և ակումբի հաճախորդ, Վանաձոր քաղաքի Դպրոցի փողոցի բնակիչ, 27-ամյա Սամվել Աղաջանյանի միջև: Գ. Շամշյանի տեղեկություններով՝ վիճաբանության ընթացքում նրանք միմյանց ապակյա շշերով փոխադարձ հարվածներ են հասցրել, հիմնականում գլխի մասում: Նշված անձինք մարմնական վնասվածքներով տեղափոխվել են «Վանաձոր» բժշկական կենտրոն: Գ. Շամշյանի տեղեկություններով՝ Հ. Կարապետյանը աշխատում է «Լիդեր Կարապետյան» ՍՊԸ-ի տնօրեն, իսկ հիվանդանոց ահազանգել է նշված գիշերային ակումբի պարուհի, Վանաձոր քաղաքի բնակիչ, 33-ամյա Ս. Չ.-ն: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարները՝ Գագիկ Շամշյանի