Կենգուրուի մասնակցությամբ վթար Ավստրալիայում

BBC-ի տեղեկություններով՝  Ավստրալիայի Վիկտորիայի նահանգում հեծանվորդները վրաերթի են ենթարկել սատկած կենգուրուին եւ բախվել հանդիպակաց մեքենային, ինչի հետեւանքով ծանր վիճակում հիվանդանոց է տեղափոխվել մեկ մարզիկ։ Մրցավազքում հաղթող մարզիկը կարողացել է շրջանցել կենդանու դին, սակայն մյուս 8 հեծանվորդները անցել են նրա վրայով եւ բախվել դիմացից եկող մեքենային։ Վիրավորներից մեկը 50-ամյա տղամարդ է, որի վիճակը կայուն ծանր է։ Վթարը տեղի է ունեցել Շեպարթոն քաղաքի մոտ՝ Մելբուռնից 200 կմ հեռավորության վրա։ Հետաքննությունը պետք է պարզի, թե արդյոք մայր մտնող արեւը մարզիկներին խանգարել է տեսնել կենդանու մարմինը։