Ֆրանսիան սահմանային հսկողությունը խստացրել է

TF1 հեռուստաալիքի եթերում Ֆրանսիայի ՆԳ նախարար Բեռնար Կազնեւը ասել է ,որ  Ֆրանսիան Փարիզի ահաբեկչությունների կազմակերպման մեջ կասկածվող Սալահ Աբդեսլամի ձերբակալությունից հետո հայտարարված ահաբեկչական սպառնալիքի «չափազանց բարձր» մակարդակի պատճառով խստացրել է իր սահմաններին անվտանգության միջոցները։ Սահմաններին հսկող ոստիկաններին օգնության է մեկնել 5 հազար օժանդակ ծառայող։ Այս միջոցները ձեռնարկվել են հաշվի առնելով Ինտերպոլի ներկայացրած տվյալները,հայտնել է նախարարը: Բրյուսելում Սալահ Աբդեսլամի ձերբակալությունից հետո Ինտերպոլը 190 անդամ երկրներին կոչ էր արել խստացնել սահմանային հսկողությունը, որպեսզի թույլ չտան Աբդեսլամի համախոհներին փախչել։