Երեկ՝ օգոստոսի 14-ին, մահվան ելքով վրաերթ է տեղի ունեցել Գեղարքունիքի մարզում: Ժամը 20:20-ի սահմաններում Ճամբարակի բնակիչ, 39-ամյա Սամվել Լազարյանը իր վարած ВАЗ 2107 մակնիշի 35 FA 642 համարանիշի ավտոմեքենայով Ճամբարակ քաղաքի Գարդմանի փողոցում վրաերթի է ենթարկել հետիոտն, 54-ամյա Վարդանուշ Առաքելյանին: Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, վրաերթի ենթարկվածին տեղափոխել է Ճամբարակի բժշկական կենտրոն, որից հետո ինքնակամ ներկայացել է ՀՀ ՊՆ Ռազմական ոստիկանության վարչության Ճամբարակի Ռազմական ոստիկանության բաժանմունք: Ֆոտոլրագրողը հայտնում է, որ վրաերթի ենթարկված Վ. Առաքելյանը հիվանդանոցում, գիտակցության չգալով՝ մահացել է: Փաստի առթիվ Ռազմական ոստիկանության Ճամբարակի բաժանմունքում նյութեր են նախապատրաստվում: Ֆոտոլրագրողը հայտնում է նաև, որ երեկ՝ ժամը 21:20-ի սահմաններում մեկ այլ՝ մահվան ելքով վրաերթ էլ տեղի է ունեցել Արմավիրի մարզում: Աշտարակ քաղաղի բնակիչ, 56-ամյա Արամ Գևորգյանը իր վարած Volkswagen մակնիշի 35 ՏG 833 համարանիշի ավտոքարշակով Երևան-Արմավիր ավտոճանապարհի 30-րդ կմ հատվածում վրաերթի է ենթարկել Արմավիրի մարզի Արշալույս գյուղի բնակիչ, 77-ամյա Հռիփսիմե Հովհաննիսյանին: Վարորդը փախուստի չի դիմել, վրաերթի ենթարկվածին օգնել է տեղափոխել Վաղարշապատի բժշկական կենտրոն, որտեղ, սակայն, վրաերթի ենթարկվածը, գիտակցության չգալով՝ մահացել է: Դեպքի վայր են ժամանել ճանապարհային ոստիկանության 2-րդ սպայական գումարտակի 1-ին վաշտի 1-ին դասակի ծառայողները՝ վաշտի հրամանատար Վահան Էվինյանի գլխավորությամբ: Վրաերթի մասին ՃՈ 1-77 օպերատիվ կառավարման կենտրոնի պատասխանատու հերթապահ Երվանդ Ալեքանյանը տեղեկությունը փոխանցել է ոստիկանության Վաղարշապատի բաժին, որտեղից ժամանել է օպերատիվ խումբը՝ բաժնի պետ Գևորգ Հակոբյանի գլխավորությամբ: Փաստի առթիվ Հայաստանի քննչական կոմիտեի Արմավիրի մարզային քննչական վարչության ավագ քննիչ Մհերյանի որոշմամբ հարուցվել է քրեական գործ՝ ՀՀ քր. օր.-ի 242 հոդվածի 2-րդ մասի հատկանիշներով:
Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
Ապրիլի 29-ին՝ ժամը 12։00-ին, Հայելի ակումբի հյուրն է Ալբերտ Բազեյանը
Ապրիլի 29-ին՝ ժամը 16։30-ին, Հայելի ակումբի հյուրն է Նաիրա Գևորգյանը
Ապրիլի 29-ին՝ ժամը 15։30-ին, Հայելի ակումբի հյուրն է Արմենուհի Կյուրեղյանը
Ապրիլի 29-ին՝ ժամը 13։30-ին, Հայելի ակումբի հյուրն է Արմինե Ադիբեկյանը
Ապրիլի 29-ին՝ ժամը 12։30-ին, Հայելի ակումբի հյուրն է Կարինե Նալչաջյանը
Ապրիլի 28-ին՝ ժամը 16։00-ին, Հայելի ակումբի հյուրն է Վոլոդյա Հովհաննիսյանը
Ապրիլի 28-ին՝ ժամը 12։00-ին, Հայելի ակումբի հյուրն է Էդիկ Անդրեասյանը
Ապրիլի 28-ին՝ ժամը 13։30-ին, Հայելի ակումբի հյուրն է Հովհաննես Շահինյանը
Ապրիլի 28-ին՝ ժամը 15։30-ին, Հայելի ակումբի հյուրն է Կարապետ Պողոսյանը
Ապրիլի 28-ին՝ ժամը 15։00-ին, Հայելի ակումբի հյուրն է Աժ պատգամավոր Գառնիկ Դանիելյանը
Հետևեք մեզ Viber-ում
