ՊՆ մի շարք աշխատակիցների աշխատավարձերը մոտ 30 % իջեցվել են. պարզաբանում են՝ տարիներ շարունակ «սխալ» աշխատավարձ են ստացել
«Հրապարակ» թերթը գրում է. «Պաշտպանության նախարարության մի շարք աշխատակիցներ՝ հիմնականում միջին օղակի (վարչության, բաժնի պետեր, տեղակալներ և այլն) հայտնվել են աշխատավարձի իջեցման փաստի առաջ: Մենք իմացանք, որ նրանց օրեր առաջ «աչքալուսանք» են տվել, որ տարիներ շարունակ «սխալ» աշխատավարձ են ստացել, և այժմ վերահաշվարկ է կատարվում: Եվ այսուհետ նրանք կստանան մոտ 30 տոկոսով պակաս, քան մինչ օրս ստացեք են: Այս տեղեկությունը տառացիորեն դեպրեսիայի մեջ է գցել աշխատավարձով ապրող մարդկանց: ՊՆ մամուլի խոսնակ Արծրուն Հովհաննիսյանը մեզ հետ զրույցում կեսբերան հաստատեց այս տեղեկությունը:
«Պաշտպանության նախարարությունում Ձեր ասած կատեգորիայում սիստեմատիկ աշխատավարձի նվազում որևէ զինծառայողի համար տեղի չի ունեցել: Անհատական դեպքեր չեմ բացառում, որ կարող է լինեն, բայց սիստեմատիկ դեպքեր չկան»,- ասաց նա՝ նկատելով, որ դա կարող է լինել սխալմունք, որը հետո հնարավոր է ուղղել:
Հետևեք մեզ Viber-ում
