Խոշոր ավտովթար Երևանում

Այսօր՝ օգոստոսի 13-ին, խոշոր ավոտվթար է տեղի ունեցել Երևանում: Ժամը 13:00-ի սահմաններում Opel մակնիշի 35 TR 352 համարանիշի ավտոմեքենայի վարորդը Նոր Նորք վարչական շրջանի Շոպրոնի փողոցում դուրս է եկել ճանապարհի երթևեկելի գոտուց, բախվել սեփական տան երկաթե դարպասին, կոտրել այն և կողաշրջվել: Ինչպես դեպքի վայրից հայտնում է ֆոտոլրագրող Գագիկ Շամշյանը, օպերատիվորեն դեպքի վայր են ժամանել Արտակարգ իրավիճակների նախարարության փրակարար ծառայության թիվ 9 հրշեջ-փրկարարական ջոկատը՝ 1 մարտական հաշվարկով: Մինչ փրկարարների ժամանումը, վարորդին ավտոմեքենայից դուրս են բերել քաղաքացիները և օպերատիվորեն ժամանած 1-03 շտապօգնության թիվ 51 բժիշկների հերթապահ խումբը առաջին անհրաժեշտության բուժօգնությունն է ցուցաբերել վիրավորին, որից հետո տեղափոխել Սուրբ Գրիգոր Լուսավորիչ բժշկական կենտրոն: Փրկարարները քաղաքացիների օգնությամբ կողաշրջված ավտոմեքենան դարձի են բերել, որից հետո հոսանքազրկել այն և փակել գազաբալոնը: Վթարի մասին Երևանի ՃՈ օպերատիվ կառավարման կենտրոնի պատասխանատու հերթապահ Միքայել Աղաբեկյանը տեղեկությունը փախանցել է Ճանապարհային Ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից դեպքի վայր է ժամանում հերթապահ հետաքննիչը, ում կողմից փաստի առթիվ նյութեր են նախապատրաստվելու: Ոստիկանությունը պարզում է վարորդի և վնասված դարպասի սեփականատիրոջ ինքնությունը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: