Շվարցենեգերը հայտարարում է
Հոլիվուդյան դերասան Առնոլդ Շվարցենեգերը հայտարարել է «Տերմինատոր» ֆիլմի վեցերորդ մասի թողարկման մասին, որում ևս կմարմնավորի գլխավոր դերը: Ինչպես տեղեկացնում է The Independent-ը` դերասանն այս մասին հայտնել է ավստրալիական Իններորդ ալիքին տված հարցազրույցում: «Մեծ անհամբերությամբ եմ սպասում դրան», - ընդգծել է Շվարցենեգերը` հրաժարվելով որևէ մանրամասնություն բացահայտել ֆիլմի սյուժեի մասին: Աղբյուրը նշում է, որ նոր «Տերմինատորի» մասին տեղեկությունը անակնկալ էր 2015-ին թողարկված նախորդ ֆիլմի` «Տերմինատոր. Գենեզիս»-ի տապալման պատճառով: «Տերմինատոր» ֆիլմաշարը ներկայացնում է արհեստական ինտելեկտով կառավարվող «Սկայնետ» սուպերհամակարգիչների և մարդկության միջև պայքարը: Առաջին մասը Ջեյմս Քեմերոնը նկարհանել է 1984-ին:
Հետևեք մեզ Viber-ում
