«Գումարները քամուն են տվել. Մոսկովյանը կրկին փակ է». Կարեն Քոչարյան
Հաղորդավար Կարեն Քոչարյանը ֆեյսբուքյան իր էջում գրել է. Մոսկովյան փողոցի մի հատվածը այսօր կրկին փակ էր: Ոչ, ոչ ցուցարար այստեղ չկար... Իսկ պատճառը հետևյալն էր: Դեռ տարվա սկզբին պարզ եղավ, որ Երևանի Մոսկովյան փողոցի իբրև թե վերանորոգման համար քաղաքապետարանի բյուջեից հատկացվելու է շուրջ 500 հազար դոլարին համարժեք դրամ: Մայիս ամսի սկզբից սկսվեցին ասֆալտապատման աշխատանքները: Փողոցը մի քանի օր փակ էր: Երեխաները ստիպված էին փոշու, կեղտի և աղմուկի պայմաններում գնալ դպրոց: Մի քանի օրից ամեն ինչ ավարտվեց, կարծես թե փողոցը ասֆալտապատվեց: Բայց ո՞նց... Ընդամենը 3 ամիս հետո պարզ դարձավ, որ գործն արել են, գումարները քամուն են տվել, բայց մեքենաների կայանատեղիների հատվածները գլխառադ են արել: Ինչի հետևանքով էլ փռած ասֆալտը 3 ամսում քանդրտվել է: Դե ինչ, ինչպես ասում են ջնջենք, նորից սկսենք: Եվ ահա այսօր առավոտից կրկին փակվեց Աբովյան-Տերյան հատվածի Մոսկովյան փողոցը: Առայժմ այսքանը, սակայն նույն պատկերը ամբողջ «վերանորոգված» փողոցի երկարությամբ է: Այնպես որ կրկին պատրաստվեք թոզ ու դումանի, սիրելի երևանցիներ:
Հետևեք մեզ Viber-ում
