Ավիավթար`Բրազիլիայում. կան զոհեր

Բրազիլական Սան Պաուլու քաղաքում փոքր շարժիչով ինքնաթիռն ընկել է եռահարկ տան վրա: Ինչպես տեղեկացնում է РИА Новости  գործակալությունը, միջադեպի արդյունքում զոհվել են ինքնաթիռում եղած բոլոր 7 մարդիկ: Հաղորդվում է, որ վարորդը ցանկացել է մանևրել՝ մոտակայքում գտնվող օդանավակայանի տարածքում վայրէջք կատարելու համար, սակայն չի կարողացել և մխրճվել է առանձնատան ավտոտնակի մեջ: Արդյունքում զոհվել են 3 կին և 4 տղամարդ: Եվս մեկ կին վիրավորվել է տանը: Նախնական տեղեկություններով՝ կործանված ինքնաթիռը պատկանում է հայտնի բրազիլացի գործարար Ռոջեր Ագնելլիին, սակայն ուղևորների ու օդաչուի անունը դեռ չի հստակեցվել: