Եթե պատգամավորները կուլ տան այս վերաբերմունքը, ապա խորհրդարանը վերջնականապես արժեզրկվելու է

Երբ Դատախազությունը մերժում է խորհրդարանի պատգամավորների ընդհանուր թվի գրեթե կեսի կողմից ներկայացրած միջնորդությունը, սա արդեն անհարգալից վերաբերմունք է Խորհրդարանի նկատմամբ, մանավանդ որ խոսքը գնում է պառլամենտական կառավարման ձև ունեցող երկրի Խորհրդարանի մասին , իսկ պատգամավորները՝ ժողովրդի կողմից ուղիղ մանդատ ստացած միակ պաշտոնյաներն են Հայաստանում ։ Նման իրավիճակում պետք է մի կողմ թողնել այն «հիմնավորումներն» ու «փաստարկները», թե ինչու չի փոխվում նախկին նախագահ Ռոբերտ Քոչարյանի կալանքը (քանզի պարզից էլ պարզ է, որ նախագահ Քոչարյանի հանդեպ տեղի է ունենում քաղաքական հետապնդում և խնդրի լուծումն էլ պետք է գտնել քաղաքական դաշտում) և փորձել հասկանալ ինչու է Դատախազությունը նման անհարգալից վերաբերմունք դրսևորում Հայաստանի օրենսդիր իշխանության նկատմամբ , որն ի դեպ նշանակում է Գլխավոր դատախազ․․․ Ես բազմիցս պնդել եմ , որ խորհրդարանը մեզնում իրենից ուժ չի ներկայացնում և այն միշտ եղել է Գործադիր իշխանության կցորդը , բայց սրանում ամենամեծ մեղքի բաժինն ունեն հենց պատգամավորները , ովքեր լինելով գոնե այս պահին ժողովրդի կողմից առաջնային մանդատ ստացած միակ պաշտոնյաները թույլ են տալիս իրենց նկատմամբ անհարգալից վերաբերմունք և ճնշումներ.․․ Եթե այս անգամ էլ պատգամավորները կուլ տան այս անհարգալից վերաբերմունքը, ապա խորհրդարանը , որպես արդեն պառլամենտական երկրի գլխավոր քաղաքական մարմին, վերջնականապես արժեզրկվելու է...