FlyDubai-ը 20 հազարական դոլար կվճարի զոհված ուղևորների ընտանիքներին

FlyDubai ավիաընկեությունը հավելյալ 20 հազարական դոլար կվճարի ուղևորների ընտանիքներին, ովքեր զոհվել են Դոնի Ռոստովում Boing 737-800 ինքնաթիռի կործանման ժամանակ: Այս մասին հայտարարվել է ընկերության կայքում՝ գրում է gazeta.ru-ն: «FlyDubai-ը լրացուցիչ կազմակերպում է մեկ ուղևորի համար ընտանիքներին 20 հազար դոլար վճարելու ծրագիր՝ մեր ուղևորափոխադրման պայմաններին համապատասխան, անհետաձգելի ֆինանսական կարիքները հոգալու նպատակով»,- ասվում է հայտարարության մեջ: Ավելի վաղ Ռուսաստանի տրանսպորտի նախարարությունում հայտարարել են, որ չորս տարածաշրջանների ղեկավարները, որոնց քաղաքացիները աղետի զոհ են դարձել, հայտարարել են, որ պատրաստ են զոհվածների ընտանիքներին հատկացնել 1-ական միլիոն ռուբլի: Հիշեցնենք, որ Դուբայից Դոնի Ռոստով մեկնող Boing 737-800-ը վթարի է ենթարկվել վայրէջքի ժամանակ վատ տեսանելիության պայմաններում: Բոլոր 62 ուղևորները զոհվել են: