Ավտովթար Երևանում. բախվել են BMW-ն ու Opel-ը. կա 4 վիրավոր

Մարտի 18-ին, ավտովթար է տեղի ունեցել Երևանում: Ժամը 14:00-ի սահմաններում Մելքումովի թիվ 10/1 հասցեի դիմաց բախվել են Երևան քաղաքի Ֆուչիկի փողոցի բնակիչ, 30-ամյա Անդրանիկ Մադոյանի վարած BMW մակնիշի 70 MM 003 համարանիշի և Արագածոտնի մարզի Միգավան գյուղի բնակիչ, 31-ամյա Արմեն Գրիգորյանի վարած Opel մակնիշի 35 VԼ 893 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով Opel-ի վարորդ Ա. Գրիգորյանը և նրա ուղևորներ՝ 29-ամյա Գեղամ Դավեյանը, 44-ամյա Օնիկ Շահբազյանը և 53-ամյա Խաժակ Ստեփանյանը մարմնական վնասվածքներով տեղափոխվել են «Արմենիա» բժշկական կենտրոն: Վթարի վայր են ժամանել Ճանապարհային ոստիկանության 1-ին սպայական գումարտակի ծառայողները՝ Հայաստանի քննչական կոմիտեի Երևանի քննչական վարչության հատկապես կարևոր գործերով ավագ քննիչ Անդրանիկ Փարսադանյանի գլխավորությամբ: Փաստի առթիվ քննիչ Ա. Փարսադանյանի կողմից նյութեր են նախապատրաստվում: Գ. Շամշյանի տեղեկություններով՝ BMW-ի վարորդ Ա. Մադոյանն աշխատում է «Մագնիտ Թրեյդ» ՍՊԸ-ում՝ որպես տնօրեն: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավ որությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: