Լուծում է պետք, որ այս լուտանքը չստվերի հեղափոխության երկինքը. բաց նամակ վարչապետին
Բաց նամակ վարչապետ Նիկոլ Փաշինյանին
/Արցախյան պատերազմում զոհվածների հարազատներ կողմից/
Սիրելի վարչապետ, երբ մեր հարազատները զոհվում են Արցախը
պաշտպանելիս, մեր հայրենիքի այդ հատվածը մեզ համար առհավետ
դառնում է սրբազան հող:
Ու պատկերացրեք ամեն անգամ, երբ կարդում ենք <<թուրք>>
որակումը, անկախ նրանից, թե դա վերագրվում է Սերժին, Քոչարյանին
կամ ղարբաղցիների հասցին, սարսափելի վիրավորված ենք զգում:
Հավատացած ենք, որ հայհոյանքների հեղինակները կամ զոհված
հարազատ չունեն,կամ նրանց որդիներն այս պահին սահմանում հայրենի
հողը չեն պաշտպանում, այլապես իրենց թույլ չէին տա նման
վիրավորանք իրենց որդիների հասցեին: Լուծում է պետք, որ այս
լուտանքը չստվերի հեղափոխության երկինքը և չծվատի մարդկանց
վիրավոր հոգիները:
Ինչպես շատ գլոբալ հարցեր, այս մեկն էլ միայն դուք կարող եք լուծել,
իբրև համազգային վստահություն ունեցող հայ: Խնդրում ենք Ջեզ,
օգոստոսի 17-ին մարդկանց հորդորեք հայհոյախոսությամբ չվիրավորել
մեզ, չօգտագործել ատելության լեզու` թուրք ու ալբանացի բառերը
Արցախի հասցեին: Լրատվամիջոցներին էլ կարելի է դարձյալ հորդորել`
հեռացնել դրանք: Կամ էլ գտեք մի երրորդ եղանակ`ինչ անել, որ այս
հիմար, բայց մեզ համար սարսափելի վիրավորական տեքստեր գրողները զսպվեն:
Հետևեք մեզ Viber-ում
