Ստամբուլի ահաբեկչության զոհերի ու վիրավորների թիվն աճել է

Թուրքական Son dakika լրատվական կայքի փոխանցմամբ՝ Ստամբուլի ահաբեկչության հետևանքով զոհերի թիվը հասել է 5-ի, իսկ վիրավորների թիվը՝ 36-ի։ Վիրավորներից 7-ի առողջական վիճակը գնահատվում է ծանր։ Այդ մասին հայտարարել է Թուրքիայի առողջապահության նախարար Մեհմեթ Մուեզինօղլուն։ Առողջապահության նախարարի խոսքերով՝ ներկա դրությամբ 4 մարդ վիրահատվում է։ Մուեզինօղլուն հայտարարել է, որ զոհվածները Թուրքիայի քաղաքացիներ են՝ չհաշված մահապարտ ահաբեկիչը, իսկ վիրավորների թվում կան 12 օտարազգիներ՝ Գերմանիայի, Իրանի, Իսրայելի քաղաքացիներ։