Հայկական զինուժի կորուստները 2018-ի հունիսին

2018-ի հունիսի 1-ից 30-ը հայկական զինված ուժերում (ներառյալ Պաշտպանության բանակում) հայտարարվել է մահվան 3 դեպքի մասին։ Կորուստներից մեկը մարտական է: Մարտական կորուստներ. Հունիսի 10-ին ՊԲ հարավարևելյան ուղղությամբ հակառակորդի կրակոցից զոհվել է պայմանագրային զինծառայող Վահագն Ջոնիկի Էլոյանը: Ոչ մարտական կորուստներ Հունիսի 22-ին մարտական դիրքում հրազենային վնասվածքից մահացել է ՀՀ ԶՈւ պայմանագրային զինծառայող, շարքային Հովհաննես Մելքոնյանը: Մեղադրանք է առաջադրվել վաշտի հրամանատարի տեղակալին: Հունիսի 29-ին հիվանդությունից մահացել է ՊԲ կենտրոնական ուղղությամբ զորամասերից մեկի պայմանագրային զինծառայող Արմեն Շահմարի Աթանեսյանը: