«Ռուսաստանը նման ինքնասպանության չի գնա». Ստյոպա Սաֆարյան

Քաղաքագետ Ստյոպա Սաֆարյանը «Ֆեյսբուք»-ի իր էջում գրել է. Ահագին առաջընթաց կա. Վիկտոր Սողոմոնյանը արդեն մարտի մեկի 10 զոհերի մասին խոսելիս ասում է 8 անմեղ զոհեր: Բա որ անմեղ էին, ինչո՞ւ սպանվեցին, ինչո՞ւ նրանց և մյուս 2 ոստիկան-զինվորականին սպանողներից ոչ մեկ պատասխանատվություն չկրեց: Իսկ ռուսական ինֆորմտարածության մեջ հիսթերիան շարունակվում է: Հայաստանի տիզբոնասերները կարող են հրճվել, քանզի ակնարկվում է Հայաստանին մատակարարվելիք սպառազինությունների դադարեցման էժան շանտաժի մասին: Վստահ եմ, որ դա չի լինելու ոչ միայն այն պատճառով, որ Ռուսաստանն ու Հայաստանը կարգավորելու են այս մի տարաձայնությունը, այլ նաև որ Ռուսաստանը նման ինքնասպանության չի գնա՝ շարունակելով Ադրբեջանին սպառազինելը, իսկ Հայաստանին՝ ոչ: Դա հենց վտանագավոր է բուն Ռուսաստանի համար՝ իսպառ կկորցնի Հայաստանն ու Կովկասը: Բայց մեր հիշողություններում միշտ մնալու է, որ Հայաստանի պետականության դեմ աշխատող հայրենակիցեր ունենք ու դա պատմելու ենք իրենց զավակներին: Հա, կարծում եմ այլևս անհերքելի է, որ Խաչատուրովն է հետաքրքրում Ռուսաստանին, ոչ թե Քոչարյանը: