Բողոքի ակցիա՝ ի պաշտպանություն Մասիսի քաղաքապետի

ՀՀ վերաքննիչ դատարանի դիմաց «Ազատություն Դավիթին», «Դավիթ, Դավիթ», «Դավիթի տեղը Մասիսում է» ցուցապաստառներով բողոքի ակցիա են իրականացնում Մասիսի մի խումբ քաղաքացիներ: Նրանք պահանջում են ազատ արձակել Դավիթ Համբարձումյանին՝ հայտարարելով, որ նա է իրենց միակ քաղաքապետը: Հիշեցնենք՝ Մասիսի քաղաքապետ Դավիթ Համբարձումյանին մեղադրանք է առաջադրվել ՀՀ քրեական օրենսգրքի 225-րդ հոդվածի 1-ին և 2-րդ մասերով և ՀՀ քրեական օրենսգրքի 258-րդ հոդվածի 4-րդ մասով, իսկ նրա եղբորը՝ Գոռ Համբարձումյանին՝ ՀՀ քրեական օրենսգրքի 258-րդ հոդվածի 3-րդ մասի 1-ին կետով և ՀՀ քրեական օրենսգրքի 258-րդ հոդվածի 4-րդ մասով: