Լավրովի հայտարարոթյան տակ Քոչարյանին տեսնելու ու այն ապոկալիպսիս ներկայացնելու կապակցությամբ…

Ստյոպա Սաֆարյանը գրում է. «Լավրովի հայտարարոթյան տակ Քոչարյանին տեսնելու ու այն ապոկալիպսիս ներկայացնելու կապակցությամբ… Ապրիլի 23-ից հետո Լավրովի ասած Հայաստանում ձեռքբերված կոմպրոմիսը կամ Փաշինյանի խոստումը, որն իբր «խախտվել է», ձևակերպված է նաև ապրիլի 25-ին Վլադիմիր Պուտին-Կարապետյան հեռախոսազրույցում: Կոմպրոմիսի կողմերը 2017թ ապրիլի 2-ի խորհրդարանական ընտրություններում ԱԺ-ում ներկայացված քաղաքական ուժերն են, ինչը Պուտինը լեգիտիմ էր համարել: Այդ կոմպրոմիսը կազմող Երկու քաղաքական ուժեր՝ ՀՅԴ-ն ու ՀՀԿ-ն իրենց հայտարարություններով հասկացրել են, թե կոմպորմիսի մեջ չեն մարտի 1-ի հարցով. ՀՅԴ-ն միանշանակ անհանգստացած Ռ.Քոչարյանի մասով ու քրգործի մեղադրանքի հիմքով /սահմանադրական կարգի տապալում/, իսկ ՀՀԿ-ն հեռահար մտահոգությամբ, որ դա կարող է հասնել նաև Սերժ Սարգսյանին ու ՀՀԿ-ին: Լավրովի անհանգստությունն էլ թերևս այն դաշտում է, ինչ ՀՀԿ-ի մտահոգությունն է: Հետևաբար, Ռոբերտ Քոչարյանն այդ կոմպրոմիսի թեմաների մեջ երբեք չի եղել… Մոսկվայի մտահոգությունը թերևս, պնդում եմ, Խաչատուրովն է, որպես ՀԱՊԿ քարտուղար, ու նաև այն, թե էլ ում կհասնի ՀՔԾ-ն, քանի որ Սերժ Սարգսյանը, ի հակառակ Քոչարյանի, ճամպրուկը հանձնել է, ու դրա համար ակնարկվում է՝ ոնց որ թե պայմանավորվածություններ են խախտվում հա ՀՀԿ-ի հետ? Ու մեկ էլ՝ այո նոր իրավիճակ է, որին պետք է հարմարվի Հայաստանի ռազմավարական դաշնակիցը, որ Հայաստանում արդարադատության ու ներքին հարցերը որոշվում են երկրի ներսում, ու իրենց մտահոգությունները կարող են միայն դեմ տրամադրել Ռուսաստանին, եթե ճնշում բանեցվի Հայաստանի ու նրա՝ ժողովրդական աջակցություն վայելող կառավարության նկատմամբ: Այնպես որ, խավարում չի լինելու պարոնայք»: Աղբյուրը` Ստյոպա Սաֆարյանի ֆեյսբուքյան էջ