Բերիան որոնվում է, Ստանլինը հայտնի է
ՀՀ երկրորդ նախագահ Ռոբերտ Քոչարյանի դեմ տեղի ունեցածն անձնական հաշվեհարդար է: Այս կարծիքին է ՀՀ երկրորդ նախագահի գրասենյակի ղեկավար Վիկտոր Սողոմոնյանը: Սողոմոնյանը նշում է, թե իր ղեկավարի հանդեպ իրականացվում է քաղաքական և անձնական հաշվեհարդար, իհարկե՝ չմանրամասնելով, թե ո՞ւմ կողմից և ինչի՞ համար. «Մենք չենք քննարկում իրադարձություններ, որոնք 100-200 տարի առաջ են տեղի ունեցել: Մենք լավ հիշում ենք՝ ինչ է տեղի ունեցել: Լեւոն Տեր-Պետրոսյանը ընտրություններում պարտվել է, փորձել է ներքաշել ԵԿՄ-ին քաղաքական պայքարի մեջ: Հարթակից գոռում էին՝ «Ման–վել, Ման–վել», խոսքը Մանվել Գրիգորյանի մասին է, գոռում էին «Գա–գիկ, Գա–գիկ», պոսքը Գագիկ Մելքոնյանի մասին է: Հետո կազմակերպվել են զանգվածային անկարգություններ, որոնք թավշյա, խաղաղ հեղափոխություն չէին, դրանք զանգվածային անկարգություններ էին, որոնց արդյունքում զոհվեց տասը մարդ: Հիմա, որպեսզի արդարացվի այն, ինչ արվել է ընդդիմության կողմից, պատմությունը վերաշարադրում ենք: Ասում ենք, որ Տեր-Պետրոսյանը հաղթել էր, նրա թիմակիցները ոչ թե զանգվածային անկարգություն էին կազմակերպում, «դուբինկաներ» խլում ոստիկաններից ու ուրախանում դրանից, այլ կազմակերպում էին ժողովրդի պայքարը, իսկ գործող նախագահն էլ աբսուրդային պատճառաբանություններով ինքն իրեն տապալել է սահմանադրական կարգը: Հիմա դուք ասեք՝ ով է անձնական հաշվեհարդար տեսնում Ռոբերտ Քոչարյանի նկատմամբ, ով է տասը տարի շարունակ կեղծիք տարածել Ռոբերտ Քոչարյանի, այսպես կոչված, մեղավորության մասին»: Վիկտոր Սողոմոնյանը պնդում է, որ սրանք հանրահայտ փաստեր են. «Մեզ մնում է պարզել, թե Բերիան ով է, և ես վստահեցնում եմ, որ մենք Բերիային գտնելու ենք ու այդ Բերիան պատժվելու է, սա Հայաստանի Հանրապետությունն է, այստեղ իրավական բեսպրեդել չի լինելու: Պաշտոնաթող նախագահի նկատմամբ անձնական ու քաղաքական հաշվեհարդար անելը չի անցնելու: Նախագահն ազատ է արձակվելու, իրեն ապօրինի հետապնդողները պատժվելու են»: Իհարկե, զավեշտալի է, իրավական բեսպրեդելի մասին է բարձրաձայնում մեկը, ում ղեկավարը տասը տարի շարունակ Հայաստանն այդպիսի պայմաններում է պահել: Սակայն դրանով հանդերձ Սողոմոնյանի հայտարարության ուշագրավությունը բացահայտ մեղադրանքների եւ որոշակի ակնարկների դրվագներում է: Այն, որ առաջին նախագահը իր մեղավորությունն է ունեցել մարտյան դեպքերի ու, հատկասպես, տասը զոհերի համատեքսոտում, մարդ ով, ամենաթեժ պահին, երբ համաժողովրդական շարժման մասնակիցները փողոցներում կենաց-մահու պայքար էին տալիս իշխանության դեմ, փակվել էր յուր ապարանքում: Քոչարյանի գրասենյակի ղեկավարը թերեւս հայտարարում էր, որ <<իրավական բեսպրեդելի>>, ասել կուզի՝ մեղավորների կամ մեղսակիցների ամբողջ շղթայում միայն Քոչարյանին պատասխանատվության ենթարկելու դեպքում ձեռքերը ծալած չեն նստելու եւ ցուցմունքներ կտան այլոց հանցագործության դեմ: Հենց այս համատեքստում է երկրորդ նախագահի գրասենյակը զբաղված Բերիայի փնտրտուքով, որովհետեւ Ստալինը հայտնի է՝ ի դեմս Փաշինյանի, ում անունը եւս շրջանառվում է մարտյան իրադարձությունների համատեքստում արդեն տասը տարի: Նա Լեւոն Տեր-Պետրոսյանի բացակայության ժամանակ առաջնորդում էր շարժումը: Այս անուններին գումարենք եւս մեկինը՝ Սերժ Սարգսյանինը՝ հանուն որի իշխանության տասը զոհ պահանջվեց, ամբողջական կդառնա ցանկը, թե ում դեմ է լինելու Քոչարյանի հակագրոհը: Անի Սահակյան
Հետևեք մեզ Viber-ում
