Ղարաբաղցի լինելն էլ մի յուրահատուկ բան էր դարձել.Դավիթ Գասպարյան
Գրականագետ Դավիթ Գասպարյանը Հայելի ակումբում հրավիրված ասուլիսում հայտարարեց՝ Ռոբերտ Քոչարյանի օրոք բարգավաճեց կոռուպցիան, ղարաբաղցի լինելն էլ մի յուրահատուկ բան դարձավ։ «Որտեղ որ մի ղարաբաղցի կար, պաշտոն էին տալիս։ Այդ ամոթալի ավանդույթները ծաղկեցին նաև Սերժ Սարգսյանի օրոք։ Մարդ ամոթից գետինն էր մտնում, մտածում էր՝ էս ովքե՞ր են մեր պաշտոնյաները։ Հիմա էլ մենք մաքրագործման ճանապարհին ենք։ Անկեղծ ասած՝ կալանավորումներին, մարդուն վանդակների մեջ նետելուն դեմ եմ։ Կարելի էր տնային կալանք կամ ստորագրությամբ չբացակայելով պահել նրան, քննել բոլոր հարցերը։ Մարտի մեկը պետք է բացահայտվի», - ասաց Դավիթ Գասպարյանը։ «Ես՝ որպես մշտական ընդդիմադիր քաղաքական ակտիվություն ունեցող անձ, միշտ այն կարծիքին եմ եղել, որ պետության նկատմամբ ոչ մեկն իրավունք չունի նվազագույն հանցանգ գործելու, ճզմելու արդարադատությունը, մարդկանց նկատմամբ բռնություններ գործելն ու հետապնդումները ուստի այդպիսի մարդկանց նկատմամբ պետք է անհանդուրժող լինել։ Ժամանակը հասունացել էր։ Քոչարյանը պետք է պատասխանատվության կանչվեր։ Դա նոր իշխանությունների ամենամարդասիրական, ողջունելի քայլերից էր, մարդասիրական՝ այն առումով, որ որևէ երկրի նախագահ իավունք չունի տապալելու սահմանադրական կարգը», - նշեց ՀԱԿ անդամ Զոյա Թադևոսյանը:
Հետևեք մեզ Viber-ում
