ՀՀ-ում կա հարկադիր աշխատանք, թրաֆիքինգ, երեխաների աշխատանք, բայց ոչ ստրկություն. Գյուլնարա Շահինյան (ՄԱԿ-ի փորձագետ) (video)

«2007 թվականին, երբ ՄԱԿ-ում ստեղծվեց ժամանակակից ստրկության ձևերի հատուկ մանդատը, ՄԱԿ-ը ցանկանում էր ասել, որ ստրկությունը դեռ կա, չի վերացել»,- այսօր լրագրողների հետ հանդիպման ժամանակ ասաց ՄԱԿ-ի ժամանակակից ստրկության ձևերի առաջին զեկուցող (ընտրված Մարդու իրավունքների խորհրդի կողմից 2008-2016-ին), միջազգային փորձագետ Գյուլնարա Շահինյանը: Հիշեցնենք, որ «Walk Free Foundation»-ը ներկայացրել էր հաշվետվություն՝ ըստ որի Հայաստանում կա 16 000 ստրուկ: Փորձագետը ՀՀ-ում ստրուկների վերաբերյալ եղած թիվն անհիմն է համարում. «Նրանք չեն եղել Հայաստանում, չունեն մարդիկ, որոնք այստեղ կարող են տեղում ուսումնասիրություն անել ու հավաքել նյութերը։ Իրենք չեն գալիս Հայաստան, չեն ուսումնասիրում իրավիճակն այստեղ, չի քննարկում այդ հավաքված նյութերը, ուղարկում երկրին այդ տվյալները։ Շահինյանը նշեց, որ ՀՀ-ում ստրուկներ չկան, կա հարկադիր աշխատանք, թրաֆիքինգ, երեխաների աշխատանք, բայց բոլոր այդ երևույթները պահանջում են խոր ուսումնասիրություններ: Առավել մանրամասն՝ տեսանյութում.