Ռոբերտ Քոչարյանի գործում առեղծվածային կետեր կան.Ռոբերտ Քոչարյանի փաստաբան (video)
ՀՀ երկրորդ նախագահ Ռոբերտ Քոչարյանի փաստաբաններից Ռուբեն Սահակյանի խոսքերով, թավշյա հեղափոխությունից հետո հույսեր կային, որ ինչ-որ բան փոխվելու է, ժողովուրդը հույսով էր լցվել. «Ես հույս ունեի, որ այս հարցում հեշտ կաշխատեմ, սակայն արդեն նման հույս չունեմ: Դա չի լինելու, եթե պարոն վարչապետը ձեռք չխփի սեղանին ու չասի՝ էս ինչ եք անում, դանա՞կ եք խրում իմ մեջքին: Իհարկե նա չի ասի, սակայն աշխատակազմից ինչ-որ մեկը պետք է այդ հարցը տա, և մենք կպրծնենք նման դատավորներից»: Փաստաբանի խոսքով՝ այս գործում առեղծվածային, խեղաթյուրված կետեր կան. « Առեղծվածային բաներ տեսանք, տգիտություն տեսանք, փաստերի խեղաթյուրում տեսանք, տեսանք, որ մարդիկ չեն հասկանում, թե ինչ են անում: Քննչական ապարատ մենք չունենք հանրապետությունում, սպանվել է, մահացել է այդ ապարատը: Միան մի փոքրիկ խումբ քննիչներ կան, որ արժանի են դրվատանքի:
Հետևեք մեզ Viber-ում
