«Մուծած հարկ ու տուրքով համայնքապետը պարտավոր է կարգի բերել համայնքը, ոչ թե տարին մի հատ անշարժ գույք գնի Երևանում ու հանձնի վարձով». Կարեն Հովհաննիսյան

Կարեն Հովհաննիսյանը գրում է. «Համայնքի պետական միջոցների վատնու՞մ, էտ ինչա՞, հա՜, էն որ արձան-մարձան են իբր լվանում, էն որ մայիսի 9-ին փող-մող են դուրս գրում, ձմռանը իբրև ձյունից ճանապարհն են մաքրում, ամռանն էլ՝ ասֆլատն են լվանում... Ատկա՞տ, էտ ի՞նչ ա, հա՜, էն որ 5 սմ հաստության ասֆալտի փոխարեն շինարարի հետ պայմանվորովում են 3-4 սմ, 4 մետր լայությունը՝ 3.5 մետր, ջրատարների խողովակները տեղ-տեղ փռելով բան... Էտ որտե՞ղ, հանրապետական համայնքապետի կողմից 15-20 տարի ղեկավարվող համայնքում... Յուրքանչյուր համայնքի բնակիչ պետք է հասկանա, որ իր մուծած հարկ ու տուրքով համայնքապետը պարտավոր է կարգի բերել համայնքը, ոչ թե տարին մի հատ անշարժ գույք գնի Երևանում ու հանձնի վարձով...»: