Վիկտոր Սողոմոնյանն այսօր սպառնալի տոնով ահաբեկում էր. Դիլբարյան

Ռոբերտ Քոչարյանին անկեղծ ցանկանում եմ արդարադատություն, համոզված եմ, որ նրա՝ իբրև ՀՀ քաղաքացու սահմանադրական իրավունքները պաշտպանված կլինեն, թեև նրա նախագահության օրոք բազում ՀՀ քաղաքացիների և ընտրողների սահմանադրական իրավունքները ոտնահարվում էին, այդուհանդերձ նոր Հայաստանում պատժարարության, ինքնիրավչության մթնոլորտն այլևս չի կարող շարունակել գործել, բայց վերլուծելով Ռ.Քոչարյանի գրասենյակի ղեկավարի բառապաշարը, կիրառած արտահայտչամիջոցները, ոճը՝ այսահար եղա... Վիկտոր Սողոմոնյանն այսօր սպառնալի տոնով ահաբեկում էր, որ գտնելու են Քոչարյանի դեմ հարուցված մեղադրանքների ակունքում կանգնած ինչ-որ Բերիայի, պարզելու և պատժելու են, հարց է ծագում՝ երկրորդ նախագահի գրասենյակի ղեկավարն իրեն ո՞ր օրենքով է պատժելու գործառույթ վերապահել և այդ ինչպե՞ս է պատժելու՝ թիկնապահներին պետք է ասի, քաշքաշեն, արտաքնոց տանեն, սրտի նոպա ստանա, թե այլ՝ ավելի մեղմ պատժամիջոցներ էլ հնարավոր են: Թվում է՝ փաստաբանները պետք է Վ.Սողոմոնյանին շտապ բացատրեն, որ սպառնալիքների և ինքնիրավ պատիժների ժամանակներն անդարձ անցել են, բառապաշարն ու մտայնությունները պետք է փոխել, եթե ցանկանում է իրոք զորավիգ լինել իր ղեկավարին... Գրել է Նարինե Դիլբարյանը