«Մի քանի հոգնած ՀՀՇ-ականներ էին ասում». Սողոմոնյանը հետաքրքիր բացահայտումներ է խոստանում
«Հատուկ քննչական ծառայությունը պետք է հարցաքննության կանչի առաջին նախագահ Լևոն Տեր-Պետրոսյանին: Երբ խոսում էի հաշվեհարդարի մասին, նկատի ունեի այն հանգամանքը, որ գործը, չգիտես ինչու, կենտրոնացել է Ռոբերտ Քոչարյանի վրա: Կեղծ նպատակներով պարզապես դրվել է նպատակ հասնելու իր կալանավորմանը: Լևոն Տեր-Պետրոսյանին պետք էր ներգրավել որպես վկա, կամ այլ կարգավիճակով»,լրարողներին ասաց Ռոբերտ Քոչարյանի գրասենյակի ղեկավար Վիկտոր Սողոմոնյանը :
«Այսինքն՝ հիմա ի՞նչ է ստացվում՝ Ռոբերտ Քոչարյանն այսպես մենակ Միքայել Հարությունյանի ու Յուրի Խաչատուրովի հետ ինչ-որ գործողություններ է արե՞լ: Մի քանի, ներողություն արտահայտությանս համար, հոգնած ՀՀՇ-ականներ կան, որ անընդհատ ասում են՝ դե Ռոբերտ Քոչարյանը Սահմանադրությունը խախտել է, բանակը ներքաշել է քաղաքական գործընթացների մեջ: Ներողություն, այդ ո՞վ էր պաշտպանության փոխնախարարներին ներքաշում քաղաքական գործընթացների մեջ: Իսկ հիմա այդ մարդիկ ո՞ւր են: հասարակությանը սպասվում են հետաքրքիր բացահայտումներ, հասարակության մի մասը հասկանալու է, որ 10 տարի իրեն մոլորեցրել են, կեղծ փաստեր են բերել: Քոչարյանը որևէ մեղքի զգացողություն չունի և չի ունեցել, որովհետև որևէ հանցանք չի կատարել»,- նշեց Սողոմոնյանը:
Հետևեք մեզ Viber-ում
