Քոչարյանի դեմ հարուցված քրեական գործը բավարար մշակված չէ.Արամ Օրբելյան

«ՀՀ երկրորդ նախագահ Ռոբերտ Քոչարյանի դեմ հարուցված քրեական գործը բավարար մշակված չէ քննչական մարմինների կողմից:  Ապացույցների մեջ էլ ուղղակի ապացույց չկա, ինչ-որ փաստեր են նկարագրված, որից հետո խոսքը գնում է Սահմանադրական կարգը տապալելու մասին»,-այսպես է կարծում Քոչարյանի պաշտպան Արամ Օրբելյանը, ում համար հասկանալի չէ իր պաշտպանյալին առաջադրված մեղադրանքը: Մեղադրանքում նշվող արարքը պաշտպանների համար անհասկանալի է, ավելին՝ Օրբելյանը հանցագործության հանցակազմի էլեմենտը չի կարողանում հասկանալ, որպեսզի կարողանա անձին պաշտպանել կամ չպաշտպանել: «Մինչև վերջ չեմ հասկանում՝ նա մեղադրվո՞ւմ է զորք օգտագործելու մեջ, մեղադրվո՞ւմ է արտակարգ իրավիճակ մտցնելու մեջ: Հստակ արարք, որը կարողանանք գնահատենք՝ հանցագործություն է, թե ոչ, չկա»,-նշեց Արամ Օրբելյանը՝ հավելելով՝ այս գործընթացը ապօրինի է: