Արա Մինասյանը չի ծանուցվել պաշտոնից ազատվելու մասին. նա պատրաստ է վերադարձնել 545 միլիոնը
Երեւանի «Սուրբ Գրիգոր Լուսավորիչ» բժշկական կենտրոնի տնօրեն Արա Մինասյանը «Հայկական ժամանակի» հետ զրույցում, խոսելով առողջապահության նախարարության հրապարակած չարաշահումների ու իր պաշտոնանկության վերաբերյալ, ասաց, որ առաջինի մասին տեղյակ չէ, իսկ երկրորդի հիմքերը ուսումնասիրվում են: Առողջապահության նախարարությունը հայտարարել էր, որ բուժհաստատությունում իրականացվող ուսումնասիրության միջանկյալ արդյունքներով պարզվել է, որ պետությանը հասցվել է շուրջ 545 միլիոն դրամի վնաս եւ այդ նյութերն ուղարկվել են դատախազություն: «Աշխատանքից ազատման մասին չգիտեմ, իսկ այդ նյութը, որ հրապարակվել է, հանձնարարել եմ, որպեսզի մեր մասնագետները նստեն ուսումնասիրեն հիմքերը՝ ինչի հիման վրա է այդ ամեն ինչը կառուցված»,- ասաց նա: Հնարավո՞ր է պաշտոնից հեռացվելու մասին նախարարի հրամանը վիճարկի դատական կարգով: Այս հարցին բուժկենտրոնի տնօրենը պատասխանեց. «Չգիտեմ՝ ինչի հիման վրա են ինձ ազատել, եթե ազատել են: Կարող է՝ խոսում են, չգիտեմ: Ինձ բան չեն ասել»: Նա պատրաստ է փոխհատուցել նշված 545 միլիոն դրամը, եթե հաստատվի, որ գործ ունենք չարաշահումների հետ: Մանրամասները՝ armtimes.com
Հետևեք մեզ Viber-ում
