Խորհրդարանում կհայտնվեն կանայք, ովքեր բառի բուն իմաստով տանջամահ են լինելու.Նաիրա Զոհրաբյան (video)

Ազգային ժողովի «Ծառուկյան դաշինք» խմբակցության պատգամավոր Նաիրա Զոհրաբյանը ՀՀ ընտրական օրենսդրության բարեփոխումների նպատակով ստեղծված խորհրդարանական աշխատանքային խմբի հերթական նիստին բարձրացրեց կանանց քվոտաների հարցը. «2 մոդել է առաջարկվում՝ բարձրացնել մինչև 30 տոկոս, ինչպես նաև կա առաջարկ մինչև 60 տոկոս կամ մինչև 40 տոկոս բարձրացնելու առումով: Սա քննարկենք, և բնական է, որ մյուս տարբերակն էլ այն է, որ մնա այն, ինչպես արդեն կա»: Նաիրա Զոհրաբյանը կարևորեց, որպեսզի կանացն քվոտավորման հարցը չլուծվի միայն քանակական առումով. «Եթե միայն քանակի խնդիր ենք լուծելու և չենք լուծելու որակի խնդիր, ապա խորհրդարանում հայտնվելու են կանայք, որոնք տանջվում են խորհրդարանում, կներեք, բայց բառիս բուն իմաստով տանջամահ են լինում»: ԱԺ «ՀՅԴ» խմբակցության պատգամավոր Սպարտակ Սեյրանյանն էլ համաձայնեց Նաիրա Զոհրաբյանի այն մտքի հետ, որ չի կարելի խնդիրը միայն քանակական առումով լուծել: Ինչ վերաբերում է որակական մասին, Սեյրանյանը շեշտեց, թե այնպես չէ, որ տղամարդ պատգամավորների մեծամասնությունը խորհրդարանում որակյալ օրենսդրական գործունեություն է ծավալում: Մանրամասները՝ տեսանյութում.