Էս դատն իսկապես կոմեդիայի է վերածվելու

Էս դատն իսկապես կոմեդիայի է վերածվելու, բոլորիդ հրավիրում եմ և ներկայացնում հատված իմ պատասխանից. «Ինչ վերաբերում է իմ այն արտահայտությանը, թե՝ «Ես չեմ գտել մի գիրք կամ հոդված, որտեղ գրագողություններ չլինեն», ապա այստեղ էլ դիտավորյալ հանվել է այդ նախադասությանը հաջորդող նախադասությունը, որտեղ ես ասում եմ, որ «Գուցե կա, Աստված տա, որ լինի», այսինքն ես չեմ բացառում, որ նա ունենա առանց գրագողության աշխատանք, ուղղակի ես իսկապես չեմ հանդիպել։ Փաստորեն ինձ մեղադրում են, որ չեմ գտել ազնիվ աշխատանքներ, սակայն դրանք իրականում կան (շեշտելով այս նախադասությունը՝ փաստորեն ընդունում են, որ Ավանեսյանը գրագողություններ արել է, սակայն կան նաև առանց գրագողության աշխատանքներ)։ Ստացվում է, որ ինձ մեղադրում են Ավանեսյանի առանց գրագողության աշխատանքները չգտնելու համար, այսինքն իրենք գիտեն, որ ես գտել եմ այդպիսի աշխատանքներ, բայց ես ստում եմ՝ ասելով, որ չեմ գտել։ Թող ներկայացնեն այդպիսի աշխատանքներ և ես անկեղծ կուրախանամ նրա համար և հրապարակային կհայտարարեմ, որ չնայած բազմաթիվ գրագողություններին, Ավանեսյանն այնուամենայնիվ ունի նաև չարտագրված աշխատանքներ։ Սամվել Խուդոյանի գրառումը