«Ձեռքին ճար լիներ, հիմա էլ կասեր` լավ եմ արել, հրաման եմ տվել». Ժաննա Ալեքսանյան
Իրավապաշտպան Ժաննա Ալեքսանյանը Ֆեյսբուքի իր էջում գրել է. «Փաստորեն, արտակարգ դրություն մտցնելով` Քոչարյանն ինքն իրեն է զսպել, որ զոհերի քանակը կրկնակի եռակի չլինի, ինքն իրեն զսպելու այլ ելք չի ունեցել «Չի եղել որևէ մեկը, որ զանգեր ասեր՝ չարժե նման բան անել։ Բոլորի համար պարզ էր, որ իրավիճակը այլ կերպ հնարավոր չէր զսպել։ Եթե դա չլիներ, կարող է զոհերի քանակը կրկնակի, եռակի ավել լիներ», այսպես է ասում երկրորդ նախագահ կոչվածը, կարծում է մոռացել ենք, թե ինչպես էր մերժել դեսպանների հետ հանդիպել, ուր մնաց որևէ զանգ ընդուներ և լսեր որևէ մեկին։ Ձեռքին ճար լիներ, հիմա էլ կասեր` լավ եմ արել, հրաման եմ տվել, չեմ կարծում թե զղջում է զոհերի և բազմաթիվ մարդկանց բռնությունների ենթարկելու, բանտարկելու, Երևանի փողոցներն արյան ծով դարձնելու համար։ Հնարավոր չէ մոռանալ մարտի 2-ի առավոտը, երբ դուրս էր եկել իր սարքած ավերակների վրա զբոսնելու՝ գոհ ու երջանիկ»:
Հետևեք մեզ Viber-ում
