Վաչագան Ղազարյանի ազատման դիմաց 1 մլրդ դրամը վճարվել է

Սերժ Սարգսյանի թիկնազորի նախկին պետ Վաչագան Ղազարյանը վճարել է Վերաքննիչ դատարանի որոշմամբ սահմանված 1 մլրդ դրամ գրավի գումարը, ինչի արդյունքում նա կալանքից ազատ կարձակվի, փոխանցում են Aysor.am-ի աղբյուրները: Ավելի վաղ տեղեկացրել էինք, որ Վաչագան Ղազարյանի փաստաբանը բոողքարկել էր նրան կալանավորելու մասին որոշումը, սակայն Վերաքննիչ դատարանն իր հերթին որոշել էր սահմանել 1 մլրդ դրամ՝ Վաչագան Ղազարյանին գրավով ազատ արձակելու համար։ Նշենք, որ Վաչագան Ղազարյանին մեղադրանք էր առաջադրվել ապօրինի հարստացման համար, այսինքն՝ նա ՀՀ բարձրաստիճան պաշտոնատար անձանց էթիկայի հանձնաժողով ներկայացրած հայտարարագրերում թաքցրել է իր ունեցած դրամական միջոցների իրական չափի մասին հայտարարագրման ենթակա տվյալները: Վաչագան Ղազարյանը կալանավորվել էր հունիսի 28-ին: