ՀՀ Սփյուռքի նախարարի այցելությունը կպառակտի լոսանջելոսահայ համայնքը

Սփյուռքի նորանշանակ նախարար Մխիթար Հայրապետյանի այցելությունը արդեն իսկ պառակտել է Լոս-Անջելոսի հայությանը։ Անհասկանալի պատճառներով, նրա հրապարակային հանդիպման կազմակերպումը վստահվել է հայ հեղափոխական դաշնակցությանը, նրան հարող և ենթակայության տակ գտնվող մի շարք կազմակերպությունների ու միությունների։ Շատ զարմանալի է, որ նկատի չեն առնվել ավանդական մյուս կուսակցությունները, ՀԲԸՄ-ն, Միացյալ Հայ Երիտասարդներ կազմակերպությունը և բոլոր այն միավորներն ու անկախ հասարակական միությունները, որոնք ամենօրյա պայքարով ու ցույցերով սատարեցին Նիկոլ Փաշինյանի գլխավորած համաժողովրդական հեղափոխությունը։