Թուրքիայի խորհրդարանում քրդամետներն ու իշխող կուսակցության անդամներն իրար են ծեծել (տեսանյութ)
Թուրքիայի խորհրդարանում ծեծկռտուք է տեղի ունեցել քրդամետ Ժողովրդադեմոկրատական ու իշխող «Արդարություն և զարգացում» կուսակցությունների անդամների միջև:Պատճառը քրդամետ պատգամավոր Ահմեդ Շըքի ելույթն է եղել․ նա իշխանություններին մեղադրել է ստի, կոռուպցիայի և տգիտության մեջ։ Ամիսներ առաջ բանտից դուրս եկած Շըքը մեջլիսի ամբիոնից քննադատության է ենթարկել իշխող կուսակցության կողմից առաջարկած ահաբեկչության դեմ պայքարի կանոնակարգի փոփոխության մասին օրինագիծը, որով, նրա պնդմամբ, իշխանությունը ցանկանում է պահպանել արտակարգ դրության ռեժիմի ժամանակ ունեցած ճնշման լծակները: Իշխանության հասցեին վիրավորական արտահայտությունները հունից հանել են իշխող կուսակցության անդամներին, ովքեր մոտեցել են ամբիոնին և ցանկացել հարվածել Շըքին։ Մեջլիսի նախագահի կողմից հայտարարված 10 րոպե ընդմիջում հետո խորհրդարանի մեծամասնությունը հաստատել է Ահմեդ Շըքին խորհրդարանական առաջիկա երկու նիստերին մասնակցելու իրավունքից զրկելու որոշումը։
Հետևեք մեզ Viber-ում
