Թուրքիան Ղրղըզստանում ռազմական ուսումնարան կկառուցի

Ռուսական RIA Novosti լրատվական գործակալության փոխանցմամբ՝ Թուրքիայի իշխանությունները մտադիր են Ղրղըզստանում կառուցել ռազմական սպաների պատրաստման համար ուսումնարան։ Նախագծի արժեքը կազմում է 30 միլիոն դոլար։ Այդ մասին հայտարարել է Թուրքիայի ռազմական կցորդ Գյոքհան Փեքերը. «Ուսումնարանի կառուցումը պլանավորված է Բիշքեկի մոտակայքում։ Այդ նպատակով հատկացվել է 20 հեկտար հողատարածք։ Դա կլինի թուրքական ռազմական ուսումնարանի տեսքով ամենաժամանակից ռազմական ուսումնարանն Ասիայում, որը սպաներ կպատրաստի Ղրղըզստանում։ Բացի 600 կուրսանտների համար նախատեսված ուսումնական կորպուսներից, նախագիծը նախատեսում է մարզահրապարակի, դասավանդողների ու սպաների համար բնակատեղիների կառուցում»։