«Սասնա ծռեր»-ից ևս երկու անդամ ազատ արձակվեց կալանքից

Երեւան քաղաքի ընդհանուր իրավասության դատարանի Շենգավիթի նստավայրում այսօր շարունակվում էր «Սասնա Ծռեր»-ի գործով դատական նիստը և «Սասնա ծռեր» խմբի անդամներ Գեւորգ Իրիցյանը եւ Թաթուլ Թամրազյանը ազատ արձակվեցին 500,000 դրամ գրավի դիմաց։ Խափանման միջոցները փոխելու միջնորդությամբ հանդես էր եկել հանրային պաշտպան Արմինե Ֆանյանը՝ խնդրելով կալանավորումը փոխել՝ ընտրելով այլընտրանքային խափանման միջոց՝ օրինակ գրավ։ Այսօրվա դատական նիստին ամբաստանյալներից Մարտիրոս Հակոբյանը եւ Արամ Հակոբյանը չէին ներկայացել, քանի որ առողջական խնդիրների պատճառով գտնվում են բժշկական կենտրոններում։ Դատական հաջորդ նիստը տեղի կունենա հուլիսի 27-ին։